KALIBO, Aklan—Pabor si sangguniang bayan member augusto Tolentino it banwa it kalibo nga kanselahon anay ro nakataeanang pagbukas it klase samtang owa pa it bakuna kontra sa covid-19.
Suno kana nga maskin si pangueong rodrigo duterte hay nagaduha-duha pa sa nasambit nga tikang.
Ginsuhestiyon pa ni tolentino nga nga indi anay pagpadayunon ro pagbukas it klase agud nga indi mabutang sa aeang-aeang ro ikamayad nga eawas it mga estudyante ag mga manugturo.
Dapat suno kana nga nagpatigayon anay it dry run agud nga mataw-an it bastante nga tiempo ro mga manugturo nga makasanay sa mga bag-ong pamaagi it teknolohiya sa pagturo sa idaeum it ‘new normal’.
Maskin sigon ro mga ginikanan hay bukon it haum sa ginaduso it department of education nga pamaagi it pagturo partikular ro online learning bangud sa mahinay nga internet connection sa nasyon ag kawad-an it mga gadget.
