NEWS Analysis– Maeuya ro kampanya it Philippine National Police (PNP) kontra sa e-sabong.
Maskin nga nakataeana ro technical nga Anti-Cybercrime Group sa mga illegal nga ginakaeakipan it cyber operations, masako man raya sa nagaeapta nga mga illegal cyberspace.
Sa eawig it cyberspace kumpara sa patrulya it kapulisan bilang crime detection and prevention, matuod nga mabahoe nga trabaho ro anti-cybercrime kaibahan eon ro mga krimen gamit ro cyber technology.
Suno sa PNP naggagamit ro ACG it daywang pamaagi kontra sa e-sabong.
Una, ro pagdiskubre sa e-sabong sites kung siin ginahiwat ro mga sabong nga gina-videohan ag ginapustaan.
Ikaywa, ro pag-take down sa mga raya sa web.
Apang, mahina ro kampanya bangud ro pinakamabahoe nga nagapa-e-sabong hay indi ma-detect.
Mga maaeam ro naka-posting cyber-operatives it e-sabong operators kapareho it sugaroe-businessman nga si AA kumpara sa cyber-operatives it PNP, Department of Information and Communications Technology.
Raya ro rason kung ham-an nauungusan sa kampanya kontra kara ag padayun ro negosyo.
Suno kay PNP chief Gen. Benjamin Acorda, nagakatabo ro e-sabong sa mga liblib nga lugar.
Failure of intelligence rason nga indi matumod kun siin ginapatigayun ro mga e-sabong.
Mabuhay eon ro e-sabong sa bilog nga nasyon.
Nabilog eon man it intelligence community ro bastante nga impormasyon ag analysis angot kara.
Apang, nagapabilin nga maeuya ag mahina ro kampanya sa e-sabong.
Eapnaag ro negosyo ngara nga ginapangunahan it mga kilaeang sugaroe, mga pulitiko ag iba pang tawo nga ginaubrang kasangkapan agud nga magpangibabaw ro e-sabong.
