Ginpamaeabagan it kampo ni Senador Jinggoy Estrada ro mosyon it Office of the Ombudsman nga kakason si dating Department of Public Works and Highways (DPWH) Secretary Manuel Bonoan bilang akusado sa graft case angot it anomalya sigon sa flood control projects.
Sa pagpamati it Sandiganbayan Second Division, ginpamilit it depensa ni Estrada nga ro pag-amyenda sa impormasyon hay maga-bag’o sa teorya it kaso bangud nakabaehag sa orihinal nga kaso nga nagsabwatan sigon sanday Estrada ag Bonoan sa krimen.
Samtang, ginpaathag it prosekusyon nga paga-ubrahon eon lang si Bonoan nga cooperative witness kontra kay Estrada ag iba pang imbolbado sa imbestigasyon.
Ginsumite eon sa Sandiganbayan para sa resolusyon ro mosyon sa pag-amyenda it impormasyon.
Nagtambong man sa pagpamati si Bonoan nga naka-wheelchair, samtang ginhambae it anang abogado nga padayon rayang nakakaeksperyensya it pagpaeanakit it dughan./
