NATIONAL News–Ginhinyu it abogado ni suspended Negros Oriental Rep. Arnolfo Teves Jr. sa panel of prosecutors nga ibasura ro kasong murder nga ginpasaka kana bangud sa gina-alegar nga pagpatay kay Governor Roel Degamo.
Ginpahayag ni Atty. Ferdinand Topacio, abogado it mamalidha nga owa it ebidensiya nga nagatao it suporta sa nasambit nga kaso.
Ginpahayag pa kara nga ro tanan nga 10 mga akusado hay ginbawi eon ro andang mga ginsumpaan nga pahayag.
Nagpaidaeom sigon sa torture it otoridad ro mga naarestong suspek agud nga idiin ro mamalidha sa krimen.
Puro mga imbento man suno kana ro mga pahayag it nasambit nga mga naarestong indibidwal.
Dugang pa kara nga indi man magamit bilang ebidensiya ro mga nabuoe nga kagamitan sa safe house nga gingamit it mga suspek kapareho it helicopter ag mga CCTV footage.
