KALIBO, Aklan — Ginambestigahan eon makaron it kapulisan ro sangka notebook nga puno it mga ‘hugot lines’ nga ginapanag-iyahan it sangka 24-anyos nga houseboy nga nagbigti-patay sa sueod it banyo sa ginatrabahuan nga baeay sa Barangay Poblacion, Altavas, Aklan.
Nakilaea ro biktimang si Ronel Serica, tubong Brgy. Toog, San Joaquin, Iloilo ag temporaryong naga-istar sa nasambitang lugar.
Ginapahayag nga nagpakamatay ro miron gamit ro liston it sapatos bangud sigon sa problema sa paghigugma.
Nagselebrar pa sigon raya it anang kaadlawan ko nagtaliwan nga adlaw.
Nakit-ang uwa eon it kabuhi ro miron it anang amo nga si George Isonza.
Narekober sa anang eogban ro suicide note kaangot sa anang ginapangatubang nga problema sa paghigugma.
Nagapati man ro pulisya nga uwa it foul play sa insidente.
