Nagnaba it 79 porsiyento ro nalistang kaso it mpox sa nasyon makaron nga dag-ong 2026 kumpara sa kaparehong tyempo ku nagtaliwan nga dag-on, suno sa Department of Health (DOH).
Halin Enero 4 hasta Hunyo 13, nakalista ro ahensya it 44 nga kaso, mas manaba kaysa sa 205 kaso sa parehong tyempo ku 2025.
Ginklaro man it DOH nga uwa it outbreak ukon pagtaas it kaso it mpox sa nasyon sa pihak it mga nareport nga lokal nga impeksiyon.
Ro mpox hay sangka masakit nga pwedeng mapasa halin sa hayop paadto sa tawo ag nagakalhit sa paagi it maeapit nga physical contact, kaibahan ro direktang pagdikit sa mga nina, respiratory secretions, ag iba pang klase it maeapitang pakikisalamuha.
Masaming sintomas kara ro eagnat ag mga nina sa panit, ag sa pihak nga masamong banayad, posible rayang magtuga it Malala nga komplikasyon.
