-- ADVERTISEMENT --
INTERNATIONAL News — Sa kauna-unahang kahigayunan hay naghambae eon sa publiko makaron nga adlaw (oras sa Pilipinas) ro bag-ong hari it Britain nga si King Charles III.
Raya hay sang adlaw matapos nga namatay ro anang ina nga si Queen Elizabeth II.
Sa pre-recorded statement it hari nga ginpatigayon sa blue drawing room sa Buckingham Palace, ginpasidunggan ni King Charles ro namatay nga ina bangud sa pagiging inspirasyon kara sa andang bilog nga pamilya.
Nagpromisa man ro hari nga pagapadayunon nana ro mga naunang naumpisahan it reyna.
Samtang sa nasambit nga event man ginkilaea ni King Charles ro panganay nga unga kara nga si William ag daughter-in-law nga si Kate bilang Prince ag Princess it Wales.
-- ADVERTISEMENT --