Sa pagpamati it House Committee on Justice angot sa impeachment proceedings kontra kay Vice President Sara Duterte, nagpasaeamat si House Deputy Minority Leader Chel Diokno sa Anti-Money Laundering Council (AMLC) matapos isumite ro ginapangayo nga mga rekord it komite.
Suno kay Diokno, nagguwa sa datos nga umabot sa P2.87 bilyon ro kabilugang inflow it kwarta nga maeayo sigon sa gindeklarang P88.5 milyon eamang nga net worth ni Duterte sa anang 2024 SALN.
Gin-insister nana nga kinahang-ean ipaathag it Bise Presidente kon sa siin naghalin ro bilyong piso, bukon eamang it sa komite kundi maging sa publiko.
Dugang pa ni Diokno, kon kinahang-eanon hay pwede man raya nga ipaathag sa Senado kon idto umabot ro kaso, ag ginpunto nga ro mga ebidensiya hay posibleng magserbing basehan it ‘probable cause’ sa padayon nga imbestigasyon.
