Kasunod it pagproklamar kay King Charles III bilang bag-o nga magapungko sa trono ro emosyonal man nga pagpasaeamatan karaI kay Queen Elizabeth II sa anang kauna-unahan nga diskurso sa grabeng pagpalangga kara sa andang bilog nga pamilya kamana man sa nasyon.
Makabig sigon nga sangka inspirasyon ro ina bangud sa debusyon kara nga ginbuhos sa kabilugang pagpungko kara sa trono.
Suno kay Bombo International Ramil Isogon it United Kingdom nga mainit nga ginsug-aeaw it mga pumueuyo ro pag-abot ni King Charles III sa Buckingham Palace.
Matapos ro masobra 70 dag-on uman nga ginkanta it mga tawo ro makabig nga national anthem it nasyon nga “God save the Queen” kung siin sa tyempo it opisyal nga pagpungko ni King Charles III sa trono paga-islan raya it “God save the King”.
Ro 73-anyos nga King hay pormal eon nga igaproklama makaron nga adlaw it sabado bilang bag-o nga hari sa St. James’s Palace sa London.
Sa pihak nga parte nakataeana man nga pagadaehon sa Lunes ro eawas it Reyna sa London agud nga igahamyang sa Westminster Abbey.
