Matapos nga opisyal nga maproklamar si King Charles bilang bag-ong hari it Britanya naging masako eagi raya sa pagtindog sa mga obligasyon bilang sangka hari.
Gilayon nga nagbisita sa nagkaeain-eain nga nasyon ro bag-ong hari ag ginaeauman nga paga-atubadngon ro kapin sa 500 world leaders nga magatambong sa state funeral it ina.
Pagapangunahan man it bag-ong hari ro paghost sa state funeral it reyna.
Sa makaron, amat-amat eon man nga paga-islan ro itsura ni Queen Elizabeth sa mga banknote ukon kwarta it nasyon ag paga-islan raya ni King Charles.
Kamana man ro National Anthem it nasyon nga “God saves the Queen” paga-islan it “God saves the King”.
Sa masunod nga dag-on opisyal man nga igapatigayon ro koronasyon ni King Charles, sang dag-on makataliwan ro pagkamatay ni Queen Elizabeth.
