Sangka advertising agency sa Xi’an City, China ro gin-akusahan it bukon it makatarungang pagtrato sa mga trabahante matapos isaylo ro andang opisina sa tago nga parte it Qinling Mountains, nga ginapatihan nga tikang agud nga mapilitang mag-resign ro mga empleyado ag malikawan ro pagbayad it severance pay.
Ginaboeobanta nga tatlong oras ro biyahe halin sa Xi’an paagto sa bag-ong lokasyon. Limitado man ro pampublikong transportasyon, samtang kinahangean pa nga magtikang it tatlong kilometro halin sa bus stop agud nga maka-abot sa opisina.
Mag-eowas sa mabudlay nga biyahe, kueang man sigon ro nagapangunang pasilidad it bag-ong opisina ag may mga peligro sa palibot, kaibahan ro mga stray dogs ukon asong gala.
Bangud kara, 14 sa 20 empleyado ro nag-resign sa andang trabaho.
Ap-at nga adlaw matapos ro massive resignation, ginbalik it kompanya ro opisina sa Xi’an City ag nag-umpisang mag-usoy it mga bag-ong empleyado.
Suno sa sangka dating empleyado, posibleng ginhungod ro pagsaylo agud nga malikawan it kompanya ro pagbayad it severance pay. Umani man it batikos ro insidente sa social media, kun sa siin, gin-engganyo it pilang netizens ro mga dating empleyado nga magpasaka it kaso.
