Nagpahayag ro South Korea it suporta may kaangtanan sa pagtao it pondo sa mga proyekto ngga magahatod sa Pilipinas sa digital transformation pamaagi sa imprastraktura, digital nga ekonomiya, ag pagbilog it mga e-skilled individuals.
Padayon nga magatao it supporta ro South Korea sa Pilipinas partikular sa digital transformation it kada sectok , kamana man ro e-skill education and training, IT (information technology) infrastructure, ag digital economy.
Ro Embahada it Republika it Korea sa Pilipinas hay naghambae man nga ro South Korea, sa pagbueoligan kaibahan ro Department of Information and Communications Technology (DICT), hay kaparte it sangka pagtuon nga nagapaeapad it broadband infrastructure sa Luzon.
Dugang pa it Embahada nga padayon nga nagapatigayon ro South Korea it $550,000 feasibility study para sa pagpaeapad it National Broadband Infrastructure sa Ilocos, Cagayan Valley, MIMAROPA, ag Bicol.
Pagasuportahan man it South Korea ro financing it $30-million nga proyekto para mag-install it broadband lines ag telecommunication equipment sa nasambit nga mga lugar.
