-- ADVERTISEMENT --
Kalibo Aklan ——Kapin sa P10 milyon pesos ro gin-alokar it lokal nga gobyerno it Kalibo para sa paunang pambakae it bakuna kontra sa COVID-19.
Raya hay halin sigon sa 2021 LGU budget ag nakataeana nga pagadugangan engkaso nga maubos eon ro nasambit nga kantidad.
Prayoridad nga mabakunahan ro mga Frontliners, mga Senior Citizens ag mga vulnerable groups nga nabutang sa highly congested areas.
May kaangtanan kara, nagbilog it sangka Working Committee ro LGU para magpanguna sa administrasyon it pagpurchase it bakuna ag pagpanupod kara sa mga prayoridad nga indibidwal.
Samtang, nagapadayon man ro andang koordinasyon sa National Task Force para masiguro nga nagasunod sa protocol ag mataw-an it prayoridad nga makaangkon it bakuna.
-- ADVERTISEMENT --
