-- ADVERTISEMENT --
KALIBO, Aklan–Magkasunod nga naaresto ro limang ka mga wanted person pinaagi sa ginserbi nga warrant of arrest it Numancia Municipal Police Station ko Hulyo 6.
Suno kay Police Major Fidel Gentallan it Numancia Municipal Police Station nga ro mga nasambit nga persona hay nag-eabag sa PD 449 in relation to PD 1602.
Ro warrant of arrest suno kana hay ginpagguwa ag ginpirmahan ni Hon. Joan Marie B. Betita, Presiding Judge, MCTC Malinao-Lezo-Numancia, Hulyo 6, 2022.
Kapin sa P30,000 sigon ro gintaeana nga pyansa sa kada akusado para sa andang temporaryong kahilwayan.
Ginapahayag nga natabo ro insidente ko buean it Enero angot sa pagpatigayun it iligal nga pagbueang.
-- ADVERTISEMENT --
Ro limang akusado sigon ro natumod ag ginpasakaan it kaso pinaagi sa regular filing.
