-- ADVERTISEMENT --
Nagpatuman it emergency alert ro Lithuania matapos matumod ro = drone activity sigon maeapit sa border kara sa Belarus.
Ginlaygayan ro mga residente it kabiserang Vilnius nga mag-bakwit paadto sa mga evacuation shelter samtang temporaryong ginsarado ro airspace sa Vilnius Airport.
Nagbuhay it haeos sang oras ro alerto ag ginakabig rayang unang mabahoe nga security scare sa sangka kabisera it European Union ag NATO halin kat mag-umpisa ro gyera sa Ukraine ku 2022.
Nauna kara, ginpabagsak sigon it sangka NATO jet ro drone it Ukraine sa Estonia, samtang ginreport mat-a it United Kingdom nga daywang Russian fighter jets ro humarang sa sangka Royal Air Force spy plane sa Black Sea ku nagtaliwan nga buean.
