POLICE Report — Kulong ro sangka 62-anyos nga lolo kat madakpan sa akto nga may bitbit nga baril samtang nagawarang sa andang lugar ag naboe-an pa it droga sa Malabon City.
Suno sa report, pilang mga residente ro nagtawag sa police station kat pabalik-balik nga nagatikang ro suspek nga si Lolo ‘Divino’, sa andang lugar sa Concepcion St. Brgy. Tugatog samtang may bitbit nga baril nga medyu may gina-abangan nga kaaway.
Insigida man nga rumesponde sa lugar ro mga pulis kun sa siin naabutan nanda ro suspek nga may buyot nga baril bandang ala-1:50 it aga-aga.
Owa eon ginpa-porma it mga awtoridad si Lolo Divino ag insigidang gin-aresto kun sa siin nakumpiska kana ro buyot nga sangka kalibre .40 Jericho pistola nga may 10 bala sa magazine.
Kat kapkapan, nabo-oe pa kay Lolo Divino ro daywang transparent plastic sachets nga may sueod nga 15.92 gramo it shabu nga nagabalor it P108,256.
Nagapangatubang ro suspek sa kasong pageabag sa R.A 10591 ukon ro Comprehensive Law on Firearms and Ammunition in relation to Omnibus Election Code ag R.A. 9165 ukon ro Comprehensive Dangerous Drug Act of 2002 sa Malabon City Prosecutor’s Office.
