Nagakinahang-ean it maeapnagon nga konsultasyon sa mga manugturo kon paano ipatuman ro ginaduso nga trimester system it Department of Education (DepEd) nga nakataeana eon nga umpisahan sa school year 2026-2027.
Suno kay former Alliance of Concerned Teachers ukon ACT Partylist representative France Castro, bilang sangka dating maestro hay nakikita nana nga mabuhinan ro paperworks it mga manugturo sa paghimo pa eamang it grading system.
Apang, nagakadapat gihapon raya nga pungkuan, istoryahan it mayad ag ipaintindi sa tanan nga staff it eskwelahan kon paano raya ipatuman bangud sa mabahoe nga adjustment ro andang pagahimuon eabi eon ag sueod eon sa trimester ro tanan nga curricular ag extra curricular activities it mga estudyante.
Manami suno kana nga ideya ro plano it DepEd apang may kaakibat man raya nga consequences kon inde makaangkon it maeapnagon nga konsultasyon sa bahin it mga manugturo.
