BALITANG Espesyal —- Legal requirement sa pagpakasae sa Japan hay sangka apelyido eang ro dapat nga gamiton it sangka couple pagkatapos nanda nga magpakasae.
Idtu hay may choice ro mga married couple kun apelyido baea it babaye ukon eaeaki ro andang pagagamiton.
Apang base sa recent survey, 96 percent it mga nagapakasae idtu hay apelyido it eaeaki ro ginagamit.
Rason nga may sangka couple sa Hachioji City nga indi magkaeasugot sa kon anyong apelyido ro pagagamiton ro nakaangkon it kasugtanan nga sa kada ikatlong dag-on it andang marriage, maga-diborsiyo sanda ag insigida nga magapakasae it uman agud nga magbaeayluhan sa paggamit it apelyido it kada isaea.
Nagkakilaea ro owa ginpangaeanan nga couple kat sanda hay sa kolehiyo pa.
Kat makaangkon eon it stable job, nag-umpisa eon sanda nga magplano angot sa andang kasae.
Apang owa naila ro babaye nga bayluhan ro anang maiden name.
Owa man naila ro eaeaki nga gamiton ro surname it babaye bangud nga bukon raya it ordinary ag nagakabaeaka imaw nga hibaygan sa andang opisina.
Apang bangud nga nagpangibabaw ro pagpalangga sa kada isaea ag kagustuhan nga magpakasae, nakaangkon sanda it kasugtanan nga magabaeayluhan sa paggamit it apelyido it kada isaea pinaagi sa pagdiborsiyo ag uman nga pagpakasae kada ikatlong dag-on .
Rason nga nagpakasae sanda ko 2016, nagpabugnot-bugnot kon anyong apelyido ro unang pagagamiton.
Ro nabugnot hay ro apelyido it eaeaki agud nga gamiton sa unang tatlong dag-on it andang marriage.
Ko 2019, nagpa-divorce sanda ag nagpakasae it uman the next day para apelyido man it babae ro gamiton.
Sa maabot nga Hulyo makaron nga dag-on, paga-umanon nanda ro nasambit nga proseso para apelyido it eaeaki eon man ro gamiton .
Naging viral ag gin-istoryahan ro nasambit nga istorya matapos ma-feature sa sangka Japanese news website.
Maabu ro nagdayaw sa panindugan it mag-asawa nga ipabilin ro andang natungdan nga apelyido.
