Naghinyo ro kampo ni Vice President Sara Duterte it daeayon nga pagbasura sa impeachment case kontra kana kadungan it pagsumite it andang sabat sa mga articles of impeachment sa paagi it anang legal team nga ginapangunahan ni Atty. Michael Poa.
Ginpunto it depensa nga may mga iregularidad sigon sa proseso it House Committee on Justice, kaibahan ro alegasyon it pre-judgment ag kakueangan it patas nga pagpamati bangud sa mga naunang pahayag it pilang opisyal nga naga-suporta sa impeachment.
Ginpuna man it kampo ro mga ebidensiyang ginamit sa pagpamati, nga bukon sigon parte it orihinal nga reklamo ag uwa nadepensahan it bise presidente
Ginpamilit man nga ro pilang pasibangud hay naga-tumod sa mga hitabo nga nagtuhaw antes pa man magpungko si Duterte bilang bise presidente, ag uwa it bastante nga basehan ro alegasyon it mali nga paggamit it confidential funds ag iligal nga yaman.
Sa kabilugan, ginpunto it depensa nga uwa sigon nasu-solusyunan it mga pasibangud ro sueundanang ginataean it Konstitusyon para sa impeachment.
