KALIBO, Aklan — Gin-abangan it Filipino community sa Paris, France ro magarbo nga closing ceremony it Paris Olympics 2024.
Suno kay Bombo International Correspondent Maryden Araneta it France nga naging maningning ro pagpasa it hosting rights it France sa USA nga magasirbing host it 2028 Olympic Games sa Los Angeles, California.
Kaibahan sa programa si Tom Cruise kun sa siin sangka Hollywood-inspired program ro nasaksihan it bilog nga kalibutan nga nag-abang sa event.
Dugang pa nga masadya man nga nagtambong ro Team Philippines sa closing ceremony it 2024 Paris Olympics.
Ginpangunahan ni double gold medalist Carlos Edriel Yulo it gymnastics ag bronze winner Aira Villegas it boxing ro delegasyon it nasyon sa parade of nations.
Sa pihak nga parte, ginpasaeamatan man ni Araneta ro Bombo Radyo Philippines sa kahigayunan nga maging international correspondent nga ko una hay gina-isip sigon nana nga indi masarangan , apang ko ulihi hay na-enjoy man ro anang pagbalita umpisa day 1 it Olympiyada.
Si Araneta hay tumandok it Brgy. Cabugao, Batan ag presenteng nagatrabaho sa Paris, France .
