KALIBO, Aklan—Pabor si Malay mayor Frolibar Bautista sa planong pagpatindog it casino sa Boracay.
Naging praktikal eamang sigon si Pangueong Rodrigo Duterte angot sa pagkambyo kara it anang desisyon nga ginapasugtan eon ro pagbukas it mga casino sa nasambit nga isla.
Suno kay Bautista, nagakinahangean makaron ro gobyerno it pondo ag sambilog ro casino sa pwedeng maboe-an kara.
Puro mga turista eamang sigon ro pagapasugtan nga makasueod sa casino ag bawae ro mga tumandok.
Ko 2018, hugut nga ginapamalibaran it Simbahang katolika ag pilang mga residente sa isla ro pagpatindog it proyekto it sangka mabahoe nga casino operator nga pagagastusan it kapin sa 500 milyon dollars.
Ro casino sigon ro magasamad sa moralidad it pamilya nga pwedeng magresulta sa iba pang bisyo kapareho it iligal nga droga.
Ginrason pa nanda nga gina-agtunan ro Boracay bangud sa kanami it beach ag sumikat sa pagiging family oriented destination.
