Sa China — Naga-antos sa pagpaeanakit it tiyan ag pag-ihi ro sangka mangunguma sa sueod it pilang dag-on.
Tatlo dag-on ro nagtaliwan, nag-umpisa sa pagbatyag it pirme ag masakit nga pag-ihi. Kon amat, nagabugtaw imaw it dis-oras it gabi-i agud nga mag-ihi.
Ko una, gineaum nana nga nagabatyag imaw it sintomas it common prostate-related issues ag nagpamalibad nga mag-agto sa doctor. Apang samtang nagabuhay, nag-grabe pa ro anang nabatyagan ag haeos indi eon makatueog.
Hasta nga ko ulihi hay nagpati eon imaw sa hinyu it anang pamilya ag nagpasugot nga magpa-ospital ag idtu nakibot ro tanan kat madiskubrehan ro sobra kabahoe nga bato sa bladder nga haeos indi eon maka-agi ro ihi sa urethra.
Suno sa deputy chief physician it Department of Urology, may kaeaparon nga 10 centimeters ro bladder stone, may kahaba-on nga 13 centimeters ag nagabug-at it 1.3 kilograms.
Base sa x-ray sa midsection it eaeaki, haeos nasakop eon it bato ro tanan nga lugar sa bladder ag ginkumpirma it mga doctor nga delikado eon raya sa kabuhi it tawo bangud ko prolonged pressure sa bladder walls.
Agud nga raya hay mabo-oe, nagpaidaeum imaw sa operasyon ag sa mayad nga swerte, nangin madinaeag-on raya.
