Gin-engganyo ni Pangueong Ferdinand Marcos Jr., ro mga miyembro it Iglesia ni Cristo (INC) nga magapabilin nga mabaskog nga kabulig sa pagpa-umwad it nasyon kadungan it selebrasyon it ika-112 nga anibersaryo it relihiyosong organisasyon, adlaw it Lunes, Hulyo 27.
Sa anang mensahe, uman nga ginpasiguro it Pangueo ro suporta it gobyerno sa mga organisasyong nagasueong it kalinong, nagapabakod sa mga pamilya, ag nagserbisyo sa mga komunidad.
Ginpamilit man nana nga ro pagtu-o hay dapat nga mahimo pinaagi sa pagserbisyo sa isigkatawo ag responsableng pagka-pumueuyu.
Suno kay Marcos, masobra sa sang siglo eon nga nagasirbing giya ro INC sa pagsakdag it pagtuo, disiplina, ag saeabton sa sosyudad samtang padayun nga naga-eapad ro presensya kara sa nagkaeain-eain nga parte it kalibutan.
Samtang, kan-o eamang hay nagpatigayon ro INC it serye it mga rally bilang suporta kay Sen. Rodante Marcoleta, nga presenteng nakakulong sa New Quezon City Jail bangud sa ginapangatubang nga kasong plunder.
Owa man ginpugngan it Malacañang ro mga pagtililipon apang nagpadumdum raya nga indi dapat nga gamiton ro mga raya para sa anumang tikang nga pwedeng magtuga it destabilisasyon.
