Gindineklara eon it Russia ro kadaeag-an matapos ro pilang buean nga pakikipag-engkwentro para masakop ro port city it Mariupol sa Ukraine.
Suno sa Moscow officials, nagsuko eon ro nabilin nga Ukrainian fighters nga nagadepensa sa Azovstal steel plant sa kabiser.
Ro nasambit nga planta ro nagserbi nga ulihing taeagu-an it Ukrainian forces.
Ro pagbakwit it mga Ukrainian fighters ku nagtaliwan nga biyernes ro marka it pagtapos it ginakabig nga ‘most destructive siege’ it giyera sa Mariupol bangud sa kontrol eon it Russian armed forces ro underground facilities kung siin nagpanago ro mga sondado it Ukraine.
Ginkumpirma man ni Ukrainian President Volodymyr Zelensky nga gintaw-an it permiso maghalin sa military command ro nabilin nga mga Ukrainian defenders nga aywanan ro nasambit nga lugar para maeuwas ro andang kabuhi.
