NATIONAL News — Nagpaandam ro PHIVOLCS it dugang nga kahalitan sa Abra ag iba pang parte it Luzon matapos ro magnitude 7 nga linog.
Ginpahayag ni DOST Undersecretary ag PHIVOLCS OIC Renato Solidum nga raya hay bangud sa aftershocks nga posibleng magtuga it dugang nga kahalitan, partikular sa epicenter it pag-uyog sa banwa it Tayum, Abra.
Mabaskog sigon ro nasambit nga pag-uyog ag kon ro mga baeay hay may samad ag owa pa eubusan nga natumba hay pwede pa raya nga mahalitan it mga aftershock.
Dapat sigon nga ma-inspeksyon anay it mga engineer ro tanan nga mga istruktura agud nga matumod kon may mga kahalitan kapareho it giltak sa pader bangud sa peligroso ro mga aftershock.
Kinahangean man nga ayuson ro mga bahay ukon edipisyo nga nasamad ag kun indi eon gid masarangan ag ma-condemn hay magpatindog eon lang it bag-o.
Mag-eowas kara, peligroso man ro mga lugar nga naapektuhan it landslides ag mga giltak bangud sa paghumok it eugta.
