Ginaduso ni Senator Raffy Tulfo nga dugangan it mas mabug-at nga penalidad ro mga involved sa pagpakalhit ukon naga-langu-lango it bomb threat sa mga pampubliko nga lugar kapareho it tren, eroplano, barko, eskwelahan, simbahan, ag iba pa.
Gindihon ni Tulfo ro Senate Bill 2768 ukon ro Anti-Bomb Joke Act kun sa siin magapangatubang it mabug-at nga penalidad ro mga nagapa-eapta it mga saea ukon peke nga impormasyon angot sa bomb threats, explosives, ag iba pa nga life-threatening ukon destructive materials.
Engkaso nga maging laye, posibleng mapapanaugan it daywa hasta an-um nga dag-on nga pagkapresu ag multa nga P100,000 hasta P5 million depende sa kabug-aton it saea nga ginhimo it natungdan.
Sakop it penalidad ro mga magahinangae sa bomb threat pinaagi sa mail, electronic mail, telepono, cellular phone, fax machine, telegraph, printed materials, video recording, social media ag iba pa nga pamaagi it komunikasyon.
Sa pihak nga parte, ko dag-on 2023 hasta 2024, an-um nga kaso it bomb jokes ro nailista it Philippine National Police (PNP) sa train stations ag 11 man sa airport kun sa siin puro man na-dismiss ro mga raya sa korte.
