Nalista it Commission on Elections (COMELEC) ro una sa masobra 20,000 nga mga violators nga may kaangtan sa maling lugar nga ginkabitan it mga campaign materials, maling mga sukat it mga poster ag mga bukon biodegradable nga materyales ro ginamit, sa pag-umpisa it Operation Baklas.
Ginsigurado ni Commission on Elections (COMELEC) Chairman George Erwin Garcia nga ro tanan nga mga violators, nga nalista it poll body hay pagapadaehan it notice to remove.
Dugang pa nana nga ro pagbelawala kara it mga kandidato hay posibleng umabot sa kasong diskwalipikasyon.
Angot pa kara, ginklaro man ni COMELEC Chairman Garcia nga padaehan man it komisyon it notice to remove ro mga nakapaskil sa mga private property. Apang hinambae kara nga raya hay andang ubrahon kung indi nanda sundon ro iba pang guidelines kapareho it tamang sukat ag dapat biodegradable nga mga materyales ro gamiton.
