Masobra 2,600 nga kaso it Cholera, nailista it DOH umpisa Enero hasta Agosto

Naga-abot sa 2, 650 kaso it Cholera ro nailista sa Pilipinas umpisa Enero hasta Agosto makaron nga dag-on.

Suno sa Department of Health (DOH), mas mataas ro numero it 230% kumpara sa nailista sa kaparehong tyempo ko 2021.

Kadungan kara, nakalista man ro DOH it 7, 681 Typhoid cases halin Enero hasta Agosto nga 109% nga mas mataas kumpara ko nagtaliwan nga dag-on.

Kapareho it Dengue, masami nga mailista ro kaso it Cholera ag Tyhpoid cases kada tyempo it tag-uean.