Masobra sa 100 nga kabaeayan ro naugdaw it mabahoe nga sunog sa siyudad it Drammen, Norway, suno sa mga rescue official.
Ginputos it madamoe nga itom nga asu ro lugar nga una sa kapin sa 50 kilometro it kabiserang Oslo.
Sa pihak it kaeaparon it sunog, owa man it gin-report nga namatay ukon naduea nga mga residente.
Masobra sa 60 nga bumbero man ro ginpakalhit agud nga matapna ro kaeayo, samtang naggamit man it mga helikopter nga nagsabwag it tubi halin sa kahawaan agud nga mapugngan ro pagkalhit it sunog.
Bangud sa mabaskog nga hangin, madasig nga nagkalhit ro kaeayo ag nag-abot pa sa kaiping nga kagueangan, rason agud nga ginbakwit eon it mga awtoridad ro ginatos nga mga residente.
Padayun gihapon nga gina-imbestigahan it mga awtoridad ro ginhalinan it sunog, samtang ginapatigayon ro assessment sa kabilugan nga kahalitan.
