Masobra sa 200,000 nga konsumidor, naduea-an it supply it kuryente sa Hawaii bangud sa hurricane Lala

Masobra sa 200,000 nga utility customers ro naduea-an it kuryente sa Hawaii bangud sa pagpanaeasa it Hurricane Lala sa Big Island.

Nag-abot sa 219,000 customers sa bilog nga Hawaii ro nawad-an it suplay it kuryente, samtang nagnaba eon sa 130,000 halin sa dating 220,000 ro numero it mga apektado sa Oahu.

Samtang, kapin sa 100 nga baeay ro napabalita nga nasamad suno kay Hawaii Governor Josh Green.

Nagahueag paagto sa west-northwest ro Hurricane Lala sa kadasigon nga 26 kilometro kada oras, nga may kabaskog it hangin nga naga-abot sa 105 kilometro kada oras.

Maskin nga naghina eon raya ag mas manaba eon sa 117 kilometro kada oras nga threshold para matawag nga hurricane, nagapabilin ro tropical storm warning sa Maui, Oahu ag Kauai.