KALIBO, Aklan—Naka-alerto ro tanan nga emergency response team it Municipal Disaster Risk Reduction and Management Office ukon MDRRMO-Kalibo agud nga masiguro kaeowasan it mga kalibonhon sa nagahilapit nga pista minatay.
Suno kay Michael Vincent Castro, reproduction machine operator it MDRRMO-Kalibo nga pagatunga-on ro andang mga responders sa mga sementeryo kaibahan ro andang mga ambulansiya.
Kapareho sa nakasanayan, pagabutangan sigon nanda it first aid stations sa kada sementeryo.
Ro observance makaron nga dag-on hay natiempo sa long weekend, kun sa siin sa Oct. 31 hay ginmandu nga half day ro sueod sa trabaho sa mga opisina it gobyerno.
Ginpahayag ni Castro nga ginaeauman eon nanda ro pagbuhos it mga pumueuyu sa mga sementeryo ag iba pang matawong lugar.
Bangud sa pag-abu it mga nagabiyahe, ginahugtan man nanda ro road safety measures.
Ginpasiguro man nana nga ro andang operation centers hay naka-standby ag haum nga magresponde sa anuman nga insidente.
Kaibahan sigon nanda sa pagbantay makaron nga undas ro Philippine Red Cross Aklan chapter, PDRRMO-Aklan , Bureau of Fire Protection, mga kapulisan ag iba pa.
