KALIBO, Aklan—Agud nga maabot ro katuyuan nga masiguro ro kaeowasan it kada isaea, ginapadumdum it municipal disaster risk reduction and management office ukon MDRRMO-Kalibo ro tanan nga magpatigayon it pagpahaum sa mga posibleng epekto it Bagyong Kristine sa probinsiya it Aklan.
Ginlaygayan ni MDRRMO kalibo head Terrence june toriano ro publiko ag mga natungdan nga stakeholders nga magpahaum it “Emergency Go Bag” ukon survival kits sa andang mga panimaeay ag siguraduhon nga eowas ag maayos ro pagka-secure it baeay ag mga importanteng gamit.
Dugang pa nga ipaiway anay ro paeanawon kon bukon man it masyadong importante.
Kinahangean man nga pirmeng maging updated sa daeagan it tiempo ag mga nagakatabu sa palibot.
Samtang, padayun sigon ro andang mga tikang nga ginahimo kaibahan ro Provincial Disaster Risk Reduction and Management Office agud nga masiguro ro kahauman it mga barangay ag komunidad sa pagpanaeasa it bagyo eabi pa nga ro aklan hay ginpaidaeaum sa Tropical Cyclone Wind Signal No. 1 .
Naka alerto suno kana ro tanan nga ginbilog nga Barangay Disaster Risk Reduction Management Committee sa bilog nga banwa it kalibo sa pagresponde sa magatugaw nga mga emerhensiya .
