Plano it Philippine Navy nga ideploy sa West Philippine Sea ag Northern Luzon ro mga bag-o ag modernong barkong pandigma it nasyon.
Suno kay Philippine Navy spokesperson for the West Philippine Sea Rear Admiral Roy Vincent Trinidad, ro deployment it mga naval asset sa Western ag Northern Luzon side it Pilipinas hay para mapabaskog ro maritime presence it nasyon sa mga ginakonsiderang strategic area.
Nakasueod man sigon raya sa Comprehensive Archipelagic Defense Concept (CADC) nga ngaserbeng gabay it Armed Forces of the Philippines. Sa idaeom it CADC, obligasyon it militar nga bantayan ro bilog nga teritoryo it Pilipinas, kaibahan eon ro 200-nautical miles exclusive economic zone(EEZ) kara.
Dikara hay may mga unified command nga responsable para sa western ag northern seaboard it nasyon, Western Command nga nakabase sa Palawan, ag Northern Luzon Command nga nakabase sa Tarlac.
Suno kay Trinidad, ro mga bag-ong naval asset nga ginaeauman nga magadugang sa Philippine Fleet hay ginasaligan nga mapabaskog sa presensiya it nasyon sa mga nasambit nga kaeawran, kaibahan eon ro mga kaeawrang una sa idaeon gihapon it EEZ it Pilipinas.
Makaron nga buean it Abril, ginasaligan nga daywang guided-missile ro maabot sa Pilipinas halin sa South Korea. Ro mga raya hay ro BRP Diego Silang (FFG-07) ag BRP Miguel Malvar (FFG-06) nga parehong may anti-surface, anti-submarine, ag anti-air warfare capabilities.
