KALIBO, Aklan—Posibleng mag-abot sa haeos 54,000 ro mga registered voters sa banwa it Kalibo para sa midterm elections sa mayo 2025.
Suno kay Atty. Christian Itulid, Comelec Election Officer IV it Comelec-Kalibo nga base sa pinaka-ulihi nga Election Registration Board ukon ERB hearing, nag-abot sa 53,738 ro mga botante sa banwa.
Apang posible pa sigon nga magabag-o ro nasambit nga numero engkaso nga makabaton it notice of transfer ukon pilang mga botante nga nagsaylo sa ibang mga banwa sa bag-o eamang natapos nga pagparehistro ko setyembre 30.
Sa nagtaliwan nga ERB hearing ko oktubre 14, sangka aplikante suno kana ro owa naaprubahan bangud sa non-appearance.
Raya hay kasunod it andang pag-beripika sa central office nga nakarehistro raya sa ibang banwa.
Sa ginpatigayon nga cleansing it comelec kalibo sa andang mga datos, eakip ro pagdeactivate it mga botante nga owa nakaboto it masobra sa daywang beses, mga namatay, nag-transfer ag iba pa hay owa man it ginbag-o sa numero it mga botante.
Ro mga naduea sigon sa listahan hay ginbayluhan man it mga bag-ong nagparehistro.
