Kalibo, Aklan-Nagahalin ro masakit nga leptospirosis sa mga mammals ukon masami sa mga ihi ag higko it kasapatan eabi eun sa eanggam. Raya hay bacterial infection nga daea it Lesptospira bacteria ag mahimo magguwa ro sintomas halin one week hasta 30 days it exposure sa bacteria.
Pahayag ni Dr. Philip Ian Prieto Padilla sangka professor of microbiology nga bangud nga raya hay halin sa bacteria mahimo magtumar it antibiotic ro mga na-infect kara. Pwede man nga pabakunahan ro mga kasapatan kontra kara bangud nga raya hay bukon it inborne ag nabubueo eamang sa eugta.
Masami kara nga nakaka-angkon ro mga middle aged nga eaeaki nga exposed sa mga kabukiran ukon pagpanguma. Mag-euwas kara nabubueo man raya kun ro tawo hay nagapaligos sa baha ag may nina ukon may sudlan ro bacteria. Peligroso sigon raya sa may mga commorbidities ngani kinahangean nga pabaskugon gihapon ro immune system ag limpyuhan ro palibot.
Masami nga kidney ag atay ro ginaadtunan it nasambitan nga bacteria bangud nga raya ro gusto nga iinvade it nasambitan nga bacteria kara sigon nagiging delikado ro sangka indibidwal. Raya sigon nga masakit hay unang nairekord sa nasyon ku 1950s ag may koneksyon ro nagbaylo-baylo nga klima sa numero it mga kaso.
Nasayuran nga pila sa mga sintomas it nasambitan nga masakit hay eagnat, nausea, pagpaeanuka, ag kung maglala hay hepatic, brain ag renal probblems nga may mataas nga mortality rate.
