KALIBO, Aklan–Ginabatyag eon it mga hog raisers ukon mga naga-alaga it baboy sa probinsiya it Aklan ro manaba nga presyo it buhi nga baboy rason nga ginaduso nanda nga makaangkon it price ceiling nga 150 pesos kada kilo.
Tuyo kara nga malikawan ro eubusan nga pagkalugi it mga hog raisers ag backyard raisers.
Apela man ni Engr. Lloyd Macahilig, representante it mga bumaeakae ag presidente it asosasyon it mga food establishments sa banwa it New Washington nga kinahangean nga magkasugot ro mga hog raisers ag traders agud nga indi maapektuhan ro mga consumer sa mataas nga presyo it baboy sa baealigyaan nga indi eon haeos nga makabakae.
Dapat suno kana nga maghueag ro gobyerno agud nga masolusyunan ro problema eabi pa ag ro ibang supply it baboy sa aklan hay ginadaea sa Metro Manila.
Gindugang pa nga engkaso nga makasugtan nga maeansang sa 150 pesos ro presyo it buhi nga baboy hay dapat nga makaangkon man nga price control pag abot sa mga merkado publiko ag iba pang baealigyaan.
