Sa nagahilapit nga selebrasyon it paskwa, maskin siin nga nasyon sa bilog nga kalibutan basta may kristyano hay mabatyagan ro ispiritu it importanteng okasyon it kristyanismo.
Suno kay Bombo International Correspondent Nolie Dollete it Abu Dhabi, UAE hay ginaselebrar nanda ro paskwa nga kaparehas sa Pilipinas.
Ro nasambit nga nasyon hay may siyam nga catholic churches kon siin nagapatigayon it simbang gabi nga ginarespeto man it ibang relihiyon ag nationality.
Ginpahayag dugang ni Dollete nga naging bukas ro nasyon pag-abot sa mga christmas decoration kon siin ginapasugtan nanda ro mga establisyimento ukon mall kamana man may tree lighting ceremonies sa ibang estado it nasyon.
Inde man maduea ro mga saeo-saeo sa mga magkapamilya ukon magkakilaea sa pihak nga ordinaryong adlaw eamang raya sa nasambit nga nasyon.
Padayon ro trabaho ag nagaselebrar eamang ro mga kristyano pagkatapos it andang trabaho.
May mga gift giving ag iba pang aktibidad nga kaparehas sa ginaobra sa Pilipinas.
