KALIBO, Aklan—Nagapabilin nga una sa hightened alert status ro Russia kasunod it conflict sa tunga it gobyerno ag private military company nga Wagner mercenaries.
Suno kay Bombo International Correspondent Genevive Dignadice it Moscow, Russia nga uwa nagakumpyansa ro gobyerno eabi eon kat nagpahayag it kahauman ro gobyerno it Belarus nga kupkupon ro mga raya.
Mas pang ginhugtan ro seguridad sa maskin siin nga lugar sa Russia.
Sa makaron sigon hay eowas ro mga Pinoy sa nasambit nga lugar ag haom man ro gobyerno it Pilipinas nga magbulig kanda engkaso nga may gustong umuli it nasyon.
Ro iba sigon sa mga raya hay nag-usoy it ibang employers ag mismong sanda man nga mga Pinoy hay nagabueoligan para makasurvive.
Samtang sa pihak nga parte, ginbulgar ni Ukrainian President Volodymyr Zelensky nga kapin sa 21,000 Wagner mercenaries ro napatay sa pakikipagbakbakan sa Ukraine ag 80,000 nga wagner fighters ro ninahan.
Ginpahayag dugang nga ro rebelyon it Wagner leader nga si Yevgeny Prigozhin hay nakaapekto it mabahoe sa gahum it Russia sa battlefied ag pwedeng magbenepisyo kara ro counteroffensive it Ukraine.
