KALIBO, Aklan–Mas pang bumuhos ro mga local tourist nga nagabakasyon sa isla it Boracay makaron nga holiday season.
Suno kay Police Lieutenant Colonel Don Dicksie De Dios, hepe it Malay Municipal Police Station, ko Disyembre 26 hay nakalista sanda it masobra 6,000 nga tourist arrival.
Haeos fully-booked eon suno kana ro mga hotel ag resort sa isla apisar nga mga lokal nga turista pa eamang ro ginapasugtan.
Ginpahayag ni De Dios nga nagdeploy it dugang nga 50 nga mga pulis sa Boracay ro Police Regional Office (PRO-6) agud nga mapabaskog ro seguridad ag masiguro nga masunod ro ginapatuman nga health and safety protocol sa pagselebrar it Yuletide season.
Kabulig it kapulisan sa pagpatuman it peace and order sa isla ro Task Group Boracay ag 2nd Aklan Provincial Mobile Force Company (PMFC) kaibahan ro iba pang natungdan nga ahensya it gobyerno.
Ginpahayag dugang nga temporaryo anay nga ginbuoe ro curfew sa isla umpisa ko Disyembre 24 hasta 25 kamana man sa Disyembre 31 hasta Enero 1 agud nga mataw-an it kahigayunan ro mga turista nga eubusang ma-enjoy ro andang bakasyon.
