Sambilog sa mga kinahang’ean bago nga makahalin sa relocation site ro mga market vendors hay ro renewal of business permits.
Raya ro pahayag ni Noe Pador ro Officer in Charger Supervisor it Kalibo Public Market kun siin nga 51% pa eamang it mga manugbaligya ro nakacomply out of 900.
Apang, pagklaro nana nga may oras pa man sigon sanda para nga makacomply bangud nga adlaw’adlaw hay pwede sanda maka’apply.
Apisar na maisot ro relocation site hay sigraduhon nanda nga maging komportable ro mga manugbaligya.
Suno kay Pador nga padayon pa sanda nga magahueat sa mga gusto magparehistro.
Paagi man sigon it cleansing ro renewal agud nga indi malisdan ro mga vendors magbalik sa tindahan kun matapos ro pag’ubra ag bangud nga maabo man ro mga interesado sa mga vacant stalls.
Sa makaron sigon ginahueat eun lang nanda ro contractor para sa actual stalls nga igadugang.
Dugang ni Pador nga nagadali eun man ro contractor nga mairelocate ro mga vendors agud nga maumpisahan eun ro pag’ubra.
Ginasaligan nga una ukon ikaywang dominggo it June hay maamat’amatan ro relokasyon.
Tinguhaan man nga maging day and night ro trabaho agud nga mas madasig matapos.
Saligan man sigon nga magabug’at ro trapiko sa nasambitan nga lugar.
