Nakahaom eon si Mike Tyson nga atubadngon ro bagitong boksingero nga si Jake Paul sa Nobyembre 15, 2024.
Raya ro unang hampang ni Tyson matapos ro 19 anyos nga pagretiro sa boksing.
Sa makaron hay 58 anyos eon ro legendary boxer apang suno kana, haom eon imaw nga atubadngon ro 27 anyos nga influencer/boxer.
Pila sa mga mataeopangdan sa training ni Tyson hay ro mga dati eon nga nagbulig kana kat bag-o pa man imaw magretiro sa professional boxing, haeos 20 anyos eon ro nakataliwan.
Base sa mga statement nga ginpaguwa it kampo ni Tyson, matsa bumalik ro kapagsik ag kabaskog it boksingero kat imaw pa eamang hay 25 anyos.
Mag-eowas sa conditioning, nagpaidaeom man si Tyson sa pilang serye it fight simulations.
Si Tyson hay sumalang sa 58 nga hampang sa anang bilog nga karera kon sa siin 50 kara hay nahimo nana nga maipadaog.
Sa 44 fight nga anang gin-atubang, puro knockout ro naging desisyon.
Sa anang karera, nakilaea imaw sa tawag nga Iron Mike bangud eon man sa mala-bakal nga eawas.
