Ginpanginwaea it Ministry of Foreign Affairs it China nga may kaangtanan ro andang gobyerno sa AI-generated video nga ginpaguwa it sangka state-run media outlet.
Sa nasambit nga video, gin-dscribe ro mga Pilipino bilang mga amo samtang ginakwestyon ro 2016 Arbitral Award nahanungod sa West Philippine Sea.
Suno kay Chinese Foreign Ministry spokesperson Lin Jian, owa imaw it komento nahanungod sa nasambit nga video bangud owa it kahilabtanan ro gobyerno it China kara.
Apang uman nga ginpabaskog it Beijing ro panindugan nga owa nanda ginakilaea ro desisyon it 2016 South China Sea arbitral ruling.
Suno kana nga raya hay ilegal ag owa it gahum.
Sa pihak nga parte, nagpabilin nga determinado ro Pilipinas sa pagdepensa sa gahum it nasambit nga desisyon.
Ginpahayag it Pilipinas nga owa it legal nga basihan ro pag-angkon it China sa gina-awayan nga kadagatan.
Nauna kara, ginhinyu it Department of Foreign Affairs (DFA) ro state-run media outlet nga e-delete ro AI-generated video sa social media.
Gintawag it DFA ro video bilang racist, maka-insulto, ag bukon it manami para sa dignidad it mga Pilipino.
