KALIBO, AKLAN – Makisadya sa masangag ag makolor nga Kalibo Sto. Nino Ati-Atihan Festival ro mga gwapahong kandidata it Miss Universe sa Enero 14 antes magpadueong sa isla it Boracay.
Suno kay SPO1 Nida Gregas, public information officer it Aklan Police Provincial Office nga makaangkon it seperado nga deployment it mga pulis sa Kalibo para sa festival ag Boracay para sa pre-pageant activities it 65th Miss Universe pageant antes ro coronation night sa Enero 30 sa Mall of Asia Arena.
Ginaeauman nga magabuhos sigon sa Boracay ro kaibahan nga mga pamilya it kapin sa 90 nga mga kandidata.
Nasayuran nga ro pagbisita it mga kandidata it Miss Universe hay kadungan sa selebrasyon it Kalibo Sto. Nino Ati-Atihan Festival nga ginakabig nga “Mother of All Philippine Festivals.”
