KALIBO, Aklan–Nagpaathag ro Metro Kalibo Water District ukon MKWD sa mga reklamo nga ginapaabot kanda it mga konsumidor partikular ro maeubog ag mahina nga tubod it tubi eabi eon sa agahon.
Suno kay Frederick Buenavidez, tagapaghambae it MKWD nga natural eamang ro mahina nga pressure it tubi eabi eon kon peak hours bangud nga maabu ro nagagamit.
Sa pihak nga parte, angot man sa ginareklamo nga mapuea ag madueaw nga tubi, ginpaathag ni Buenavidez nga raya hay reaksyon it mga minerals nga nagahalin sa andang water source nga ground well.
Ro andang distribution network sigon hay pressurized halin sa pumping station agud nga maka-abot sa pinaka-punta it andang ginaserbisyuhan nga water concessionaire.
Bilang solusyon hay nagapatigayon sigon sanda it flushing hasta nga magtin-aw ro tubi nga nagaguwa sa mga gripo.
