KALIBO, Aklan–Patay ro sangka motorista matapos nga maimbolbar sa sangka aksidente nga nag-eontad sa national highway nga sakop it Brgy. Tigayon, Kalibo.
Ginkilaea ro namatay nga driver nga si Edwin Rogar, 60-anyos ag residente it Brgy. Sibaliw, Banga matapos nga makaangkon it fatal nga lastro sa eawas.
Samtang, ninahan man ro nakasunggaban kara nga si Prince Robel Rufin, 29-anyos ag residente it Bliss Site, Kalibo.
Base sa inisyal nga imbestigasyon it traffic section it Kalibo PNP, opposite direction ro magtimbang nga parte kon sa siin pag-abot sa nasambit nga lugar hay nagsunggaban ro daywa.
Bangud sa mabaskog nga impact hay maeayo ro andang inapukan nga gintunaan it pag-angkon nanda it nagkaeain-eain nga lastro.
Insigidang narespondehan it mga awtoridad ro insidente kon sa siin gindeklara nga patay it attending physician sa Aklan provincial hospital si Rogar samtang si Rufin hay nagapabilin nga naka-confine sa sangka pribadong ospital iya sa banwa it Kalibo para sa nagakaigong medikasyon.
