KALIBO, Aklan—Patay ro sangka motorcycle rider matapos nga makabungguan ro sangka multicab sa pakurbada nga karsadahon sa national highway nga sakop it Brgy. Rizal sa banwa it Nabas.
Suno kay P/Staff Sgt. Michael Babon it Nabas Police Station nga dead on the spot ro biktima nga si Marlon Martinez, sa legal nga edad ag residente it Brgy. Camanci Norte, Numancia samtang ro driver it multicab hay nakilaea kay Alexander Cabañez, 47 anyos ag residente it Brgy. Caticlan sa banwa it Malay.
Base sa report, samtang nagapaagto ro rider sa Caticlan hay nakasub-eang kara ro multicab nga ginasugid nga nag overshoot rason nga natabu ro head on collision.
Nagsurender man ro driver it multicab ag sa paghinakop makaron it Nabas PNP.
Sa makaron hay nagapadayun ro imbestigasyon it pulisya sa insidente
