Kapin sa 98 ro naaprehend it regional law enforcement service it Land Transportation Office region VI nga nag-eabag sa batas trapiko sa bilog nga probinsya it Aklan.
Suno kay Engr. Marlon Velez, head it LTO Aklan nga nagpatigayon ro mga raya it law enforcement operation sa idaeom it Republic Act 4136 kon sa siin raya nga numero ro andang naaprehend nga nag-eabag sa traffic rules and regulations.
Kaeabanan sa mga nadakpan hay ro mga colurom nga L300 van.
Angot kara, gin-impound ro nasambit nga mga unit it saeakyan ag gindaea it operatiba sa syudad it Iloilo ro lisensya it mga drivers ag ro mga kopya it ginticket kanda.
Ginpahayag dugang ni Engr. Velez nga bukon eamang it saeakyan nga uwa it franchise ro mga naaprehend kundi ro mga naga-operate nga bukon it sakop sa andang mode of service.
Raya hay sangka random operation it regional team sa sueod it limang buean halin kat ulihi sanda nga nag-operate sa Aklan.
