Nagaabot eon sa 73,249 ro kabilugang numero it mga nagpa-enroll sa pre-registration nga ginapatigayon it Department of Education ukon DepEd sa bilog nga Western Visayas hasta ko Pebrero 3, 2026.
Suno kay Hernani Escullar Jr., tagapaghambae it DepEd region VI, sa nasambit nga numero, 7,326 ro sa Aklan; 11,828 ro sa Antique; 7,990 sa Capiz; 3,174 sa Guimaras; 37,206 sa Iloilo; 2,778 sa Iloilo City; 1,399 sa Passi City ag 1,548 sa Roxas City.
Ginpaathag dugang nga kapin sa 15,276 ro nagpalista para sa Kindergarten; 26,553 ro sa Grade 1; 16,466 ro sa Grade 7 ag 14,954 ro sa Grade 11.
Suno pa kay Escullar, tuyo it early registration nga malikawan ro pagdueotdutan sa eskwelahan sa oras nga magbukas ro school year, mabuligan ro mga eskwelahan sa mas maayos nga pagpahaom it mga kwarta, ag iba pang learning resources antes pa man mag-umpisa ro klase.
Ro early registration suno kana hay libre ag uwa it dapat bayaran ro mga ginikanan kundi mag-fill out eamang it Basic Education Pre-registration Form, ag magsumite it birth certificate.
