TOKYO, Japan – Sangka 51-anyos nga nars ro gin-aresto it kapulisan maeapit sa Tokyo matapos nga gina-alegar nga patyon ro sangka 75-anyos nga pasyente pinaagi sa pagbutang it higku it tawo sa intravenous (IV) line kara.
Ginkilaea ro suspek nga si Miyuki Furukawa, empleyado it sangka ospital sa Chiba Prefecture. Apang hugut nana nga ginpamalibaran ro pasibangud angot sa pagkamatay it pasyenteng si Eiji Aita.
Suno sa pulis, bandang 3:55 a.m. ko Enero 30, gina-alegar nga nag-inject si Furukawa it higku sa IV tube it pasyente. Namatay si Aita bangud sa multiple organ failure bandang 10:30 p.m. pagka-aga.
Nadiskubrehan ro insidente matapos i-report it sangka empleyado it ospital sa pulis ro makadueudang pagkamatay it pasyente ko Pebrero 1.
Ginkilaea it mga imbestigador si Furukawa bilang suspek base sa CCTV footage ag iba pang ebidensya. Padayun ro imbestigasyon sa kaso.
