SPORTS News–Nagpasugot eon ro sambilog sa mga masaligan nga swingman it Minnesota Timberwolves sa $42Million dollars nga offer it nasambit nga koponan.
Kaibahan it $42Million dollars deal kana hay ro ‘player option’.
Boot hambaeon, una kana ro desisyon kon gustuhon pa nana nga magpadayon nga maghampang sa Minnesota makataliwan ro sang dag-on.
Si Reid hay nagahampang bilang backup forward-center it Wolves.
Sa nakataliwan nga season hay nakaangkon raya it average nga 11.5 points, ag 4.9 rebounds, sa idaeom it 53.7 shooting percentage.
Ro nasambitang average hay nagserbe man bilang career highs.
Imaw ro nagserbeng kabaylo it starting center/forward it Wolves nga si Karl-Anthony Towns, matapos imaw nga bawaean nga maghampang sa sueod it 52 games sa nakataliwan nga season bangud sa anang injury sa siki.
Ko 2019 draft, uwa imaw pagboe-a it maskin anumang koponan sa NBA apang ko ulihi hay ginbuoe imaw it Wolves sa pamaagi it two-way contract.
Halin kato hay naging kaparte eon si Reid it Minnesota player rotation.
